ســــعــــود بـــن عـــبـــدالــلــه آل ســـــعــــود |
كف شالت شموع وكف شالت غلا** وانت بين الايادي نجمة ماتطيح
هو صحيح الحبايب بالوصال بخلا** اه مصعب سؤالي بالخفوق الجريح
انتظرتك حبيبي في عيون الولا** ياحبيب المكان وحاكمه بستريح
قبل احبك وهبتك شوق صدري امتلا** ولاطريت بخيالي هب بالصدر ريح
مرني في عيونك كل كلمة هلا** الظما في عيوني وانت وصلك شحيح
من يقول السوالف للعيون ابدلا** خاب ظن الكلام وطاب حظ المريح
ليت مانيب واله للمحاجر ولا** في خفوقي شعور لك يقوم ويطيح