ما لوم قلبك يصد ويخلف احساسي
من قبل أشوفك .. وظني دوم يتخيب
متى أساسا أنا .. قد طحت متواسي
الغدر جا من بعيد .. وجا من قريب
وشلون ألومك؟.. وأنا اللي ربعي وناسي
كل ما تجملت فيهم !! قالوا : حبيب
لو كاس زمزم .. شربته .. شكوا فـ كاسي
إلا .. يلاقون فيني شئ .. يتعيب !!
أقيس مقياس طيب الغير .. بقياسي
وياكثر ما شفت طيب .. ماطلع طيب
ياما تجملت .. في ناكر .. ومتناسي ..
والطيب .. في ذمه الأنذال .. يتغيب
وما أحد تجمل معي .. الا شعر راسي
اللي بعد كل هالصكات .. ماشيب !!
روح .. أنا .. بكتم العبرات بأنفاسي
منت أول إنسان .. أعشم فيه .. ويخيب
ســــــــــــــــــطـــــــــــــــام الـــــشــــــــــلـــــــفــــــــــان
