( لا تشكّين ) لزمانك همومك والعذاب** الله اللي للدعاء يا(منيرة) يستجيب
الاعاقة هي إعاقة فكر حاد الصواب** من كثر ماهو خطا عاش بالدنيا غريب
تسوقه الاقدار واوهام فكره للسراب **ولالقى له ماتمنى ولاحصل مجيب
ولاعرف غاية مساره ولاجاله جواب** مضيع ٍ وقته ويشكي من الحظ العطيب
ماصدق مع نفسه وملحق ٍ وقته عتاب** ويرمي همومه على اقداره وقل النصيب
كم معاق ٍ يفتح الله بدربه ألف باب** وكم سليم ٍ ضايع وممتلي قلبه لهيب
وانتي ربي كملك زين ..مابك مايعاب** وميزك باخلاقك وعقلك وذوق ٍ وطيب
همي لاقلتي لي (يانوض ياخاله )يذاب** واشعر انك يازماني بريٍ دون عيب
كل من شافك من احباب واقراب وصحاب** كبر وهلل وربي من عباده قريب
والشكر لله عطاناك يا(منيرة) وجاب** واخرج الماء من الاراضي ومن جوف القليب
**نـــــــــوض ســــــــــديــــــــــــــر**