أبيات من قصيدة اجهل شاعرها لكن لا اجهل من المقصود بها ،. رحم الله موتانا وموتى المسلمين آمين
يا موت بنشد و اتنشد ولا باس
وراك ما جنبت عنه الرحايل
وياموت ماخذت المشوره من الناس
والا نشدت ان كنت تبغى بدايل
نعطيك مطلوبك على العين والراس
و نغلي عليك معدل كل مايل
و ياموت اشوفك ناصياًًًً لبنة الساس
ماشفت في وجهه رسوم ودلايل؟
ما شفت في وجهه من الفعل نوماس
ملفي الضيوف و مسعد كل سايل
للخير مفتاح و للشر ترباس
و للجود دكان وللخوف زايل
وللضيف مرباع وللحيف مرداس
غصب على من كان ساكت وقايل
وللبرد نيران والحر نسناس
وشوفه يذري عن سموم القوايل
وللظلم رداع وللحق قسطاس
لازاد همه دقها و الجدايل
وللصلح وداد و للخلف رِسرَاس
قاله رشيد ويشهدن القبايل
ويا الله يا خالق كل الأجناس
تجعل مقره في غروس و ظلايل
وصلاة ربي عدد ذرات الأطعاس
على نبي جاب ختم الرسايل
