 |
| خــــــالـــــــد الـــــفـــــيــــــصــــل / دايـــــم الــــســــيــــف |
يا زمان العجايب وش بعد ما ظهر*** كل ما قلت هانت جد علمٍ جديد
إن حكينا ندمنا وإن سكتنا قهر*** بين قلبٍ عطيب وبين راس عنيد
لو تفيد المدامع كان أسيّل نهر*** مير كثر التوجّد والدمع ما يفيد
اصبر ايام واشهر واتصبرّ دهر*** وان حصلّ لي مناتي جيت لوني بعيد
ارجي الله واراقب كل طالع شهر*** يجلي الهم عني أو عسى ما يزيد
يا غزالٍ فضوح الزّين عنه أشتهر*** في عيوني ملاك ووسط قلبي وحيد
مخطي اللي يشبّه وجنتك بالزهر*** الزهر ما له رماحٍ تصيب وتصيد
لو جحدت المحبة سقم حالي جهر*** مير ما كل قلبٍ ياصل اللي يريد
