يا عمير كانك نايم فانهض الراس*** وان كان قاعد يابن الاجواد قم لي
يا عمير انا اخترتك على جملة الناس*** ابيك في بعض الامور تحشم لي
واللي شربت بكاس حبه بلا قياس*** يا عمير جذ البعد شمله وشملي
متى نشوفه عقب الاقفا والاياس*** ومتى السعد عقب الفراق يخطملي
ان غاب تهت بغبة ما بها اوناس*** وابري إل شفته وعمره سلم لي
يكبر عناي إلى اسلمت عنه الارماس*** ويضحك زماني وان مشى بالقدم لي
دايم يباريني من الود هوجاس ***. اما سرى مسراي والاجهملي
باب الموده لي يناي بالاجراس*** والحب عن كل الخلايق قسم لي
بالليل ياقف لي عن النوم حراس*** وكثر الهموم الموجعه ترتدم لي
وان هب لي من يمة الشرق نسناس*** من شاف حالي بالشتا ينهضم لي
وان قلت لي يا عمير لاباس لاباس*** اقول انا يا عمير ياثقل حملي
يا عمير قلبي والمعاليق يباس *** قل للشريعه بالقصاص تحكم لي
وحــــــيــــــــــد
قالوا: وحيد وقلت: ما عندي أوناس*** قالوا: غريب وقلت: بأرضٍ بعيده
أبعدت مابي شوف ناس ٍ من الناس*** أبعدت عن بعض الملا وتعديده
مطاوع ٍ قلبي على كل الأجناس*** والبعد عن شوف المكاره يفيده
اخترت بعد الدار عن قرب الأنجاس ***عن دارهم نلقى ديار ٍ جديده