ما أتفه الشعر كانه هالحكي اللي نقـول
لا تـعـدى المـديـح ولا تـعـدى الـغــزل
إن لثمت الزهـور وصاحبتنـي الحقـول
ماهقيت ان صافي الشهـد عيـب النحـل
مابقى في ضلوعي كـود ريـح معمـول
وثـوب شـاشٍ عليـه مـن الندامـه وحـل
ألتفـت للطريـق ومـا عـبـر مـنـه زول
فـي جفونـي تزاحـم عبـرتـي والـوجـل
طـلـت يالعـمـر والا قلعـتـك لا تـطـول
طاولـتـنـا اللـيـالـي بالـسـهـر والـمـلــل
إن تعـبـنـا نــحــب ولا لـقـيـنـا قــبــول
مـا تسـر الامـانـي .. ولا يفـيـد الـعـذل
لـكـن .. الله كـريـم وكــل هــمٍ يـــزول
ما علـى الله بعيـد .. ولا جفـاك المحـل
كـل أرضٍ تشيلـك .. يـا ثقيـل الحمـول
وكـل وقـتٍ كـريـمٍ بالـرضـا والـزعـل
بـــدر بـــن عــبـــد المــحـــســـن