.............................الضــــــــيّ الـــــنـــــحــــــيـــــل ......................

الـــبـــدر بـــــــن عـــــبـــد الــــمــــــحـــــــســــــن

دايم يذكرني النخيل .. غير الطفولة والرياض ..

وصوت السواقي والهديل .. مواجع الضي النحيل ..

على وجنتك ..

كان الظلام .. والله كثير ..

وما ادري وش اللي وهقه ..

واختار خدك فـ الأخير .. وشعاع خدك شققه

دايم يذكرني النخيل .. غير الطفولة والرياض ..

وصوت السواقي والهديل .. مواجع الضي النحيل ..

على وجنتك ..

نجدية الضي والعتم .. ما بين راسك والقدم ..

لي مجد .. لي مي .. ورطب .. وسنابل الياس والغضب ..

ولي مواعيد النخيل .. اللي مضت ..

وحكاية الضي النحيل مع وجنتك ..