عيونه لها حول السنه يا سعد تشتاق
وقلبه على شوفه زواياه مشقوقه
يحسب غيابه في ضميره بدون أوراق
كما حسبة اللي له دنانير مسروقة
يعد الليالي وان تحدر عددها راق
وتسلى على ذكراه و معذبه شوقه
وبعد ما التقى وياه بمعاهد و ميثاق
على العز والنوماس والطيب وحقوقه
توفى وهو يشبح قد يبست الأرياق
و الأقدار بيد الله والآمال ملحوقة
فلا لايمن له لا نثر دمعه لتواق
ولا فيه من يارث براقعه وسبوقه
و طيرن مثل تواق موتته ما ينطاق
ومن لا نقل شرواه فلا يشره على سوقه
علومه تنومس لراعي الطلع لامن ضاق
عسى الله يجازي من تحراه في عوقه
شهدنا على فعله و دم الصوايد راق
مثل ما يريق الدمع من قلب معشوقه
ومن لا نقل ياناس طيرن مثل تواق
نصيحه لوجه الله لا يرخي سبوقه
خالد بن رمثان
